Numri i fëmijëve të pashoqëruar të hasur në kufirin e SHBA me Meksikën gjatë muajit prill pati rënie nga një rekord i një kohe më parë, ndërsa më shumë të rritur u gjetën pa familje.
Autoritetet hasën 17 mijë e 171 fëmijë që udhëtonin vetëm, 9% më pak nga 18 mijë e 960 në mars, por gjithsesi është shumë më e lartë se 11 mijë 475 të raportuar më parë në maj të vitit 2019 nga Patrulla Kufitare, e cila filloi publikoi numrat në vitin 2009.
Numrat nuk janë të krahasueshëm sepse një shumicë solide e atyre që u ndaluan në prill u dëbuan shpejt nga vendi, bazuar në rregullat e pandeminë që mohojnë të drejtën për të kërkuar azil.
Të përjashtuarit nuk sjell pasoja ligjore, kështu që shumë njerëz përpiqen të kalojnë shumë herë.
Shifrat tregojnë se kjo është një nga sfidat më serioze për presidencën e re të Joe Biden, raporton AP.
Përkundër disa lajmeve inkurajuese në prill për fëmijët e vetëm, duket se nuk ka përgjigje të shpejtë dhe të lehtë për këtë çështje.
Biden ka përjashtuar fëmijët e pashoqëruar nga dëbimi, duke i lejuar ata të qëndrojnë në SHBA derisa ndjekin kërkesat e azilit.
Familjet me fëmijë të vegjël lirohen shpesh në SHBA derisa çështjet e tyre kalojnë nëpër sistemin e gjykatës së imigracionit me pengesa.
Qeveria ka bërë hapa të mëdhenj duke lëvizur fëmijët nga objektet e Patrullës Kufitare të mbipopulluara në strehëzat e Departamentit të Shëndetit dhe Shërbimeve Njerëzore të SHBA, të cilat janë më të përshtatshme për qëndrime afatgjata.
