Presidenti i Shteteve të Bashkuara të Amerikës, Joe Biden, ka uruar Naftali Bennett për marrjen e detyrës së re, Kryeminister i Izraelit.
Biden mirëpret bashkëpunimin me kryeministrin Bennett, pasi sipas tij, SHBA-ja është një ndër miqtë më të mirë të Izraelit.
”Pres që të punoj me kryeministrin Bennett për të forcuar marrëdhëniet e ngushta në mes këtyre dy kombeve. Izraeli nuk ka mik më të mirë se Shtetet e Bashkuara”, ka thënë Biden.
Presidenti Biden tregoi që shumë shpejtë do të konsultohen me Izraelin për çështjet e sigurisë rajonale duke përfshirë edhe Iranin.
Njëherit falënderime ndaj Biden, shprehu edhe Kryeministri i ri i Izraelit, i cili tha se është i gatshëm për bashkëpunim të ndërsjell mes të dy shteteve.
