Rrëzohet helikopteri, vdesin 4 persona

Amerika

Rrëzohet helikopteri, vdesin 4 persona

Më: 2 gusht 2021 Në ora: 14:17
Pamje nga vendi i ngjarjes

Një ngjarje e rëndë është shënuar në qarkun Colusa, Kaliforni. Katër persona në bordin e një helikopteri u vranë të dielën, si pasojë e rrëzimit në një zonë të largët të Kalifornisë Veriore, raportoi Departamenti i Sherifit të qarkut Colusa.

Departamenti konfirmoi vdekjet në stacionin “KXTV”. “Katër personat vdiqën në vendngjarje”, tha departamenti, i cili nuk bëri të ditur identitetet e tyre.

“Helikopteri Robinson R66, u rrëzua rreth orës 13:15 në qarkun Colusa në veri të Sacramento”, tha Administrata Federale e Aviacionit në një deklaratë.

Raportet paraprake tregojnë se katër persona ishin në bord,” vijoi deklarata.

FAA dhe Bordi Kombëtar i Sigurisë së Transportit, po vazhdojnë hetimet për këtë ngjarje.

Sot mund të lexoni Shfletoni kopertinat