Krerët e lartë të agjencive të Inteligjencës amerikane do të dëshmojnë para Kongresit për lidhjet e mundshme të Rusisë me fushatën zgjedhore të presidentit Donald Trump.
Ata gjithashtu do t’i adresojnë edhe pohimet e Trump se ky i fundit është përgjuar nga ish-presidenti Barack Obama.
Drejtori I FBI-së James Comey dhe drejtori i Agjencisë Amerikane të Inteligjencës Mike Rogers do të flasin në një seancë të rrallë të hapur të komisionit të kongresit për inteligjencë.
Rusia mohon se është përpjekur qe të ndikojë në rezultatin e zgjedhjeve, ndërsa Trump i ka quajtur akuzat ‘gjueti shtrigash’, transmeton KosovaPress.
Në janar, agjencitë e inteligjencës amerikane thanë se besonin se hakerët të mbështetur nga Kremlini kishin thyer llogaritë e e-maileve të demokratëve të lartë, dhe ato me përmbajte të sikletshme ishin lëshuar në publik në mënyrë që të ndihmojnë Trump të triumfojë ndaj Hillary Clinton.