Dhjetëra mijëra brazilianë marshuan në rrugët kryesore të vendit për të protestuar kundër masave shtrënguese të parashtruara nga qeveria e presidentit Michel Temer, një formë paralajmërimi përpara grevës së përgjithshme të thirrur për t’u zhvilluar në fund të muajit prill, shprehen sindikatat.
“Sot është një ditë e re manifestimesh kundër reformës së pensioneve, kodit të punës dhe të gjitha sulmeve që qeveria Temer dhe aleatët e saj po ndërmarrin kundër klasës punëtore”, deklaroi për median Marcella Azevedo, lidere e Lëvizjes së Grave, përkrah studentëve. profesorëve, sindikatistëve dhe përkrahësve të së majtës që parakaluan në rrugët e San Paolos.
Protesta u zhvilluan gjithashtu në Brazilia, Rio de Zhaneriro, Belo Horizonte dhe në disa qytete të tjera të mëdha të vendit.
Dhjetëra mijëra brazilianë shprehën edhe më herët indinjatën e tyre më 15 mars në të gjithë vendin, veçanërisht kundër projektit për reformën e pensionev.
