Brazili i ka dhënë fund emergjencës kombëtare në lidhje me virusin Zika, pas një rënie të theksuar të rasteve të prekura nga ky virus.
Shifrat e këtyre rasteve kanë rënë për 95% brenda muajve janar deri në prill, krahasuar me periudhën e njëjtë gjatë vitit të kaluar.
Ky virus lidhet me lindjen e foshnjave me kokë shumë të vogël.
Ndërsa Organizata Botërore e Shëndetësisë kishte tërhequr vendimin për emergjencë ndërkombëtare në nëntor të vitit të kaluar.
Virusi Zika ka shkaktuar lindje të foshnjave me defekte në afërsisht 30 shtete.