Presidenti amerikan, Donald Trump vendosi të mos e zhvendosë ambasadën amerikane në Jerusalem për momentin, ndryshe nga premtimi që kishte bërë gjatë fushatës, sipas një përgjegjësi amerikan.
“Donald Trump nënshkroi një klauzolë të veçantë që mundëson qëndrimin e ambasadës amerikane në Tel Aviv edhe gjashtë muaj të tjerë”, theksoi ky përgjegjës.
“Presidenti mendon se nuk është ende momenti i duhur”, shtoi i njëjti burim.
Gjatë fushatës presidenciale, Donald Trump kishte premtuar se do të zhvendoste ambasadën amerikane nga Tel Avivi në Jerusalem, duke shkaktuar edhe reagime të ashpra nga pala palestineze.
