Sekretari amerikan i Shtetit, Rex Tillerson njoftoi sot se Shtetet e Bashkuara do të mbesin të pranishme ushtarake në Siri, në kuadër të një strategjie më të gjerë amerikane, që synon parandalimin dhe riforcimit e Shtetit Islamik, duke punuar që presidenti sirian të largohet nga pushteti dhe të kufizojë ndikimin e Iranit.
Në një fjalim në Universitetin Stenford, Tillerson tha se SHBA-të do të punojnë në mënyrë diplomatike në largimin e presidentit sirian Bashar al-Assad nga qeverisja, por kërkoi "durim", duke pranuar se Assad gëzon mbështetje nga Rusia dhe Irani dhe se do të jetë e vështirë të tërhiqet nga pushteti menjëherë.
