SHBA, diga rrezikon të shembet pas përmbytjeve të mëdha - Bota Sot
SHBA, diga rrezikon të shembet pas përmbytjeve të mëdha

Amerika

SHBA, diga rrezikon të shembet pas përmbytjeve të mëdha

Më: 3 gusht 2018 Në ora: 13:59
Ilustrim

Urdhra evakuimi janë lëshuar për disa pjesë të Lynchburgut në Virginia, pas frikës se një digë mund të shembet si pasojë e përmbytjeve.

Diga e liqenit “College” ka kapërcyer kapacitetet e saj, pasi më shumë se 15 centimetra shi ranë mbrëmjen e së enjtes.

Qyteti i Lynchburgut ndodhet pranë digës dhe nëse ajo do të shembej, 5 metra ujë do ta përmbysnin atë në vetëm 7 minuta. Lynchburg ka një popullsi prej 80 mijë banorësh dhe shtrihet në malet “Blue Ridge”.

Zyrtarët kanë paralajmëruar banorët të mos ngasin makinat nëpër rrugët e përmbytura, duke shtuar se uji i përmbytjeve mund të mbajë me vete edhe mbeturina.

Mediet lokale thanë se disa persona, shtëpitë e të cilëve konsiderohen se janë në rrezik, janë evakuuar duke u vendosur në shkollat e afërta. Ata janë këshilluar të mos shkojnë në shtëpi për të paktën 24 orë.

“Rreth 124 shtëpi janë evakuuar”, thonë zyrtarët e emergjencave.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...