Trump: Nuk kam gjë për të fshehur nga Mueller

Amerika

Trump: Nuk kam gjë për të fshehur nga Mueller

Më: 19 gusht 2018 Në ora: 21:12
Donald Trump

Presidenti i Shteteve të Bashkuara të Amerikës, Donald Trump tha të dielën se ai nuk ka “gjë për të fshehur” nga Prokurori i Posaçëm Robert Mueller, që heton ndërhyrjen ruse në zgjedhjet e vitit 2016 të SHBA-së dhe mohoi se avokati i tij e ka tradhtuar atë, duke bashkëpunuar me hetimin.

Në Twitter, Trump denoncoi “New York Times” për një artikull të shtunën që thonte se këshilltari i Shtëpisë së Bardhë, Don McGahn ka bashkëpunuar gjerësisht me këshilltarin special Robert Mueller. “Times” tha se McGahn kishte ndarë hollësi rreth episodeve në zemër të hetimit që hedhin dritë nëse Presidenti Donald Trump pengoi drejtësinë.

“E lejova atë dhe të gjithë të tjerët që të dëshmojnë. Nuk isha i detyruar që ta bëja”, tha Trump. Trump shtoi se gazeta e bëri të duket sikur McGahn e kishte tradhtuar Presidentin, siç bëri John Dean në hetimin e Watergate të ish-presidentit Richard Nixon, “kur në të vërtetë është e kundërta”, sipas Trump.

Të shtunën në mbrëmje, avokati i McGahn konfirmoi se avokati i Shtëpisë së Bardhë kishte bashkëpunuar me ekipin e Mueller. “Zoti. McGahn iu përgjigj pyetjeve të ekipit të Këshilltarit Special në mënyrë të plotë dhe me ndershmëri”, tha William Burck, duke shpjeguar se Presidenti nuk i kërkoi McGahnit që të përmbahej nga diskutimi për ndonjë çështje.

Sot mund të lexoni Shfletoni kopertinat