Presidenti amerikan, Donald Trump i kërkoi sot vendeve anëtare të OPEC-ut të mos rrisin më çmimin e naftës dhe të paguajnë më shumë për mbrojtjen e tyre.
“Ne mbrojmë shumë nga këto kombe për asgjë dhe ato përfitojnë për të na imponuar çmime nafte më të larta”, deklaroi ai nga tribuna e Asamblesë së Përgjithshme në OKB, ku dukej se shënjestronte drejtpërdrejtë aleatët e tij të Gjirit, shkruan ATSH.
“Kjo nuk është e mirë. Ne duam që ata të ndërpresin rritjen e çmimeve dhe që t’ë fillojnë t’i ulin. Dhe ato duhet të kontribuojnë në mënyrë substanciale duke filluar nga tani në përpjekjen për mbrojtje”, shtoi ai, pa dhënë më shumë detaje.