Robert Bowers, i akuzuari për vrasjen e 11 hebrenjve derisa kanë qenë duke u lutur në një sinagogë në Pitsburg të shtunën, është deklaruar i pafajshëm.
Mediat amerikane kanë raportuar se 46 vjeçari ka kërkuar që procesi të zhvillohet mbi bazën e një jurie gjykatësish.
Ai përballet me 44 akuza, duke përfshirë, vrasjen, krime me baza të urrejtjes dhe krime tjera.
Prokurorët janë duke kërkuar që ai të ndëshkohet me dënim me vdekje.
Autoritetet e kanë cilësuar sulmin në sinagogë, incidentin më të keq anti-semitik në gjithë historinë amerikane.
Përveç personave të vrarë janë plagosur edhe gjashtë persona të tjerë, në mesin e tyre katër zyrtarë policorë.
