Në mes të zjarrit më shkatërrues në historinë e Kalifornias ka një histori guximi dhe heroizmi.
Kjo ngjarje vjen nga spitali në Paradise, ku mantelbardhët vazhduan të trajtonin pacientët edhe pasi zjarri kaploi objektin, deri kur u detyruan të evakuoheshin.
Infermieri, Allyn Pierce, i cili humbi shtëpinë dhe vendin e punës nga zjarri ishte ndër personat qe ndihmuan viktimat pa pushim. Edhe kamioni i tij, Toyota Tundra, i cili u përdor për evakuim u dëmtua shumë nga zjarri.
Allan që e kishte për qejf kamionin e tij ndau një foto në rrjetet sociale ku tregoi se makina e tij i shpëtoi jetën.
Foton e panë edhe nga kompania Toyota. Kjo e fundit i premtoi infermierit se do t’ia dhuroje një makinë të re.
