“Zhvishet” Amazona

Amerika

“Zhvishet” Amazona

Më: 30 nëntor 2018 Në ora: 07:28
Pamje nga Arioza

Amazona në një vit është zhveshur nga bimësia me ritme të frikshme. Sipas raportit më të fundit të qeverisë braziliane, nga Gushti i viti 2017 deri në atë të 2018, mushkëria e planetit ka humbur në bimësi, një zonë të barabartë me një miliona fusha futbolli, ose 5 herë sipërfaqen e Londrës.

Janë 8 mijë kilometra katror pyje të prera për qëllime industriale dhe rritja e shpyllëzimit në këtë vit është me 13%. Këto cilësohen si statistikat më të rënda në 10 viteve të fundit.

Sipas organizatave mjedisore ndërkombëtare, kjo ka ndodhur mbi të gjitha si pasojë e çpyllëzimit ilegal duke shkatërruar pasuritë natyrale të vendit, por duke ndikuar në klimën e gjithë planetit.

Pylli i Amazonës thith rreth 2 miliardë tonelata dioksid karboni në vit dhe çliron 20% të oksigjenit të Tokës dhe krijon mundësinë e një ekuilibrimi të reshjeve në mbarë globin. Shkencëtarët hedhin alarmin se nuk mund të vazhdohet me këto ritme, pasi Amazona i përket gjithë njerëzimit dhe duhet mbrojtur para se të jetë tepër vonë.

Sot mund të lexoni Shfletoni kopertinat