Prishtinasi Agon Vuniqi diplomoi me sukses të shkëlqyeshëm në Universitetin prestigjioz “George Washington” në Washington DC. Ai u rendit në mesin e 11 studentëve të diplomuar në departamentin e inxhinierisë biomedicinale .
Studentët e rinjë të cilët po studiojnë jashtë vendit, sidomos ata në SHBA janë bërë artikulues të zëshëm të demokracisë amerikane dhe të integrimit të plotë të komunitetit shqiptaro-amerikan në shoqërinë amerikane. Se sa janë të rëndësishëm këta të rinjë po tregojnë edhe rezultatet e tyre në të gjitha fushat në sport, në muzikë, por edhe në shkencë. Dalëngadalë gjenerata e re po kyçet në rrjedhat politike dhe diplomatike të SHBA. Ecja e tyre në sfilatën garuese të suksesit veçse ka filluar të bëjë hapat e ngadalshëm por të sigurt. Ata janë bërë edhe faktorë të rëndësishëm në tregun amerikan duke u dalluar si student të vyeshëm dhe zëdhënës të tregimit të suksesshëm për të gjithë atë armatë të rinjësh nga ata vijnë, për të rrëfyer potencialin e madhe që kanë, se atyre duhet dhënë vetëm shansin për t’u dëshmuar. Studentët e tillë duhet edhe të nxiten që t’i kthehen vendit përmes projekteve të përbashkëta me institucionet edukativo-arsimore të vendit të origjinës nga ata vijnë. Prandaj është detyrë e mediave të afirmohen sukseset e tyre, jo të përqendrohet syri i kamerës dhe përqendrimi i publikut vetëm në mediat rozë të cilave iu dhurohet pjesa më e madhe e kohë në mediat e shkruara dhe pamore- televizive. Kështu ne po humbim shansin për t’u dhënë të rinjve heronjtë e vërtetë të dijes dhe shkencës, të matematikës, të fizikës, të kimisë, të mjekësisë, të informatikës e të shkencave tjera ekzakte që do t’ia kthenin vendit dinjitetin. Njëri ndër ta është edhe studenti Agon Vuniqi i cili u diplomua me sukses të shkëlqyeshëm në njërin ndër universitetet më prestigjioze private-kërkimore në SHBA dhe botë “George Washington University”, Washington DC.
Universiteti i George Washingtonit (GW, GWU ose George Washington) është universitet privat-kërkimor më seli në Washington, D.C. Është themeluar në vitin 1821 nga një akt i Kongresit të Shteteve të Bashkuara.
Studenti i biomedicinës Agim Vuniqi u njoftua përmes emailit nga stafi i Universitetit “George Washington” se ka diplomuar me sukses të shkëlqyeshëm në inxhinierinë bio-medicinale:
Agon Vuniqi
The George Washington University
Biomedical Engineering (BME) major
Good day,
Congratulations on your graduation! We are so happy to have 11 graduates from our department.
As you may know, our beloved university does not have a December graduation. The Department would like to celebrate you with a small gift
Sincerely,
J'aime Drayton
Operations Manager
Department of Biomedical Engineering
School of Engineering & Applied Science | The George Washington University
Stafi i Universitetit “George Washington” njoftoi Agon Vuniqin se ka diplomuar me sukses te shkëlqyeshëm studimet ne departamentin e Bisomedicines dhe ka fituar gradën e inxhinierit te diplomuar te Biomedicines ne Universitetin “George Washington”, njërin ndër Universitetet më prestigjioze në SHBA dhe në botë, dhe se për këtë është shpërblyer nga Universiteti me dhuratë speciale.
Suksesi i tij veçse ka rënë në sy si lider i projektit studimor të kapuqit ftohës për të ndalur procesin e rënies së flokëve për të sëmurët të cilëve iu bijnë flokët gjatë procesit të kimioterapisë. Shiqo fotot:
“Scalp cooling for chemotherapy” Kapuçi I ftohtë mund te ndihmojë pacientët që kalojnë nëpër chemo terapi te mbajne flokët
Reduktimi i rënies së flokëve me ftohjen e kokës
Ftohja e kokës është njëra nga mënyrat për të zvogëluar rënien e flokëve derisa pacientët janë duke marrë kimioterapi për trajtimin e tumoreve të ngurta. Tumoret e ngurta janë kancer që nuk janë leukimi ose limfoma. Ftohja e kokës përfshin mbajtjen e kapakut (kapuçit) të ftohtë në kokën e pacientit para, gjatë dhe pas marrjes së kimioterapisë.
Ftohja e kokës është përdorur nga njerëz në Kanada dhe pjesë të Evropës për vite me rradhë. Tani kemi rezultate nga provat klinike (studime kërkimore) në Shtetet e Bashkuara. Këto studime tregojnë se çfarë mund të presim nga ftohja e kokës dhe si ta përdorim më së miri këtë metodë për të zvogëluar rënien e flokëve gjatë kimioterapisë për kancionin e gjirit.
Vlen të theksohet se Agonit i është ofruar gjatë studimeve të bëjë internship në Kongresin amerikan në stafin e US Kongresmanit Raja Krishnamoorth, ku edhe ka shërbyer 6 muaj, pastaj u angazhua në Institutin për neurologji, ku ishte asistent hulumtues i drejtorit të Institutit për neurologji në kuadër të “National Children’s Hospital” në Washington DC.
