Shoqata e Studentëve Shqiptarë në Harvard dhe Departamenti i Marrëdhënjeve Ndërkombëtare organizuan një ligjeratë dhe diskutim me Ambasadoren Teuta Sahatqija në Universitetin e Harvardit. Ambasadorja foli rreth dhunës seksule gjatë luftës në Kosovë.
Para ligjerates, Ambasadorja bashkebisedoi me studente amerikan dhe nderkombetar lidhur me zhvillimet ne Kosove, mardhenjet me SHBA, perspektiven europiane te Kosoves, dhe dialogun me Serbine. Gjatë ligjerates, Ambasadorja foli për nismat dhe zhvillimet e reja për të mbijetuarit e dhunës seksuale. Të pranishëm ishin studentë dhe profesorë shqiptar dhe amerikan. Në fund ambasadorja falenderoi gjithashtu studentin Deni Hoxha, Themelues dhe President i Shoqates se Studenteve Shqiptar dhe Drejtor i Komunikimit ne Departamentin e Marredhenjeve Nderkombetare në Harvard që bëri të mundur këtë vizitë në bashkëpunim me Konsullatën e Përgjithshme të Kosovës në Nju Jork.
Konsullata gjithashtu i dhuroi Universitetit Harvard një hartë te Kosoves me kristale dhe kopje te librit mbi vendimin e ICJ per Pavaresine e Kosoves. Gjithashtu, kopje te librit "E Perdhunuara" te Remzije Shales u dorezuan ne librarinë Widener në Harvard.
Shoqata Shqiptare e Studentëve në Harvard është një organizatë që bashkon studentët me origjinë shqiptare dhe studentë të interesuar për kulturën, historinë dhe çështjet shqiptare. Organizata ngre vetëdijen për kushtet shoqërore, ekonomike dhe politike që prekin shqiptarët në mbarë botën nëpërmjet: diskutimeve, ngjarjeve kulturore, forumeve, ligjerata dhe takime midis studentëve.
