Veprimtarët e Fondit Vendlindja thërret për Amerikë dhe Kanada si dhe Organizatorët dhe themeluesit të Formacioneve Ushtarake të UÇK-së, gjegjësisht dhe të Batalionit Atlantiku kanë dal me deklaratë mbi Aktakuzën e Prokurorit të Gjykatës Speciale ndaj z.Hashim Thaçi dhe z. Kadri Veseli ku thuhet :
Aktakuza e Prokurorit të Gjykatës Speciale të Hagës, për z. Hashim Thaqi President i Republikës së Kosovës, dhe z. Kadri Veseli ish kryetar i Kuvendit dhe kryetar i PDK-së, është vazhdimësi e padrejtësisë ndërkombëtare ndaj themelueseve të Ushtrisë Çlirimtare të Kosovës.
Lufta e lavdishme e UÇK-së, ka qenë faqja më e ndritur e historisë së atdheut tonë, dhe normalisht përgjigjja e vetme kundër përpjekjeve gjenocidiale të Serbisë ndaj popullit shqiptar.
Rezistenca aktive e shqiptarëve ndër shekuj, bartë në vete sakrificat sublime të brezave të Kombit Shqiptar ndër shekuj për çlirim e liri kombëtare e cila kulmoj me UÇK-në. Është vlera më e lartë Atdhetare dhe Kombëtare.
Shteti serb, vetëm në luftën e fundit në Kosovë, është përgjegjëse për vrasjen e me tepër se 12.000 shqiptarëve, për mijëra të zhdukur, qindra mijëra shtëpi e prona të shkatërruara dhe për deportimin masiv të më shumë se një milion njerëzve.
Këto krime janë kryer drejtpërdrejtë nga shteti serb, shtet ky që ka dështuar tërësisht në tejkalimin e së kaluarës kriminale dhe paramilitarët e asaj kohe, sot, janë në krye të shtetit të Serbisë. Ashtu sikurse në krye të agjendës së tyre kanë politikat ndjekëse dhe goditëse ndaj themelueseve të saj.