RAMSEY, NJ - Frank Pallotta, kandidati republikan i Kongresit në Rrethin e 5-të të New Jersey, dje ka marrë një mbështetje, edhe nga komuniteti shqiptar në zonën e tij, elektorale, në një takim për ngritjen e fondeve financiare të fushatës së tij për në Kongres, zgjedhjet e 3 Nëntorit.
Takimi u organizua nga aktivisti i njohur i komunitetit, dhe, njëhereshit banor në Rrethin e 5-të të New Jersey, showman Arben D. Krasniqi, në lokalin e tij “Momento Restaurant” - (374 Morsetown Road West Milford, NJ 07480).
Në këtë takim për ngritjen e fondeve financiare të fushatës, së kandidatit republican Frank Pallota, nikoqiri, Benny Krasniqi, ftoi një numër veprimtarësh të komunitetit shqiptar, nga zona e Tri-Shtetshit, përfshirë edhe një grup ish luftëtarësh të Batalionit Atlantiku, me komnadat Gani Shehun.
Mikpritësi, zoti Krasnqi, në emër të familjes dhe në emër të pjesëmarrësve, mbasi i urojë fat për zgjedhjet e 3 Nëntorit, kandidatit republikan i Kongresit në Rrethin e 5-të, New Jersey, Frank Pallotta, tha se “ai do të ketë jo vetëm mbështetjen financiare të shqiptareve, në New Jersey, e rreth tij, por do të ketë të “Besës” së shqiptarit, edhe votën e tyre. Me besimin se kongresisti i ardhshëm do të jetë, një zë i fuqishëm i shqiptareve në Kongresin Amerikan”.
Uk Lushi, i cili ishte pjesëmarrës dhe kontribuues në këtë takim fond-mbledhës, së bashku me disa nga ish bashkëluftëtarët e Batalionit Atlantiku, në llogarinë e tij në Facebook, shkruajti : Gjithnjë në angazhime për miq të rinj të shqiptarëve në SHBA dhe Kongresin Amerikan. Sonte në West Milford, në konakun e Arben D. Krasniqit, bashkë me bashkëluftëtarë dhe aktivistë të komunitetit mblodhëm fonde për kandidatin republikan në Distriktin 5 të shtetit New Jersey, Frank Pallotta.
Frank Pallotta, thotë ai do të jetë një mbështetës i Kosovës dhe shqiptarëve kur të shkojë në Washington DC. është shprehur Lushi.
“Faleminderit komunitetit shqiptar, për kontributin tuaj. Ky është një kontribut i madh për vendosur lidhjen tonë, që në të ardhmen, duke fituar zgjedhjet më 3 Nëntor, unë kam për të përcjellur zërin tuaj në Kongresin amerikan”, tha Pallotta, i cili simbas asaj që është bërë zakon u fotografua me pjesëmarrësit, duke bërë me dy pëllumbat e dorës, Shqiponjën me Dy Krena.
Frank Pallotta, kandidati republikan i Kongresit në Rrethin e 5-të të New Jersey
Pallotta, fitoi nominimin e GOP në NJ- Qarku 5-të, dhe do të përballet në 3 Nëntor me demokratin Gottheimer në zgjedhjet e përgjithshme.
Ish-bankieri i investimeve Frank Pallotta mundi sfiduesit e tij në një zgjedhje republikane në Rrethin e Pestë të Kongresit të New Jersey, duke marrë besimin e republikaneve në fitoren e tyre në Qarku 5-të, në New Jersey.
Një fitore Republikane në zgjedhjet e përgjithshme do të nënkuptojë një kthim në të kuqen GOP për hartën elektorale republikane, dhe një mik dhe zë i shqiptarëve në Capitol Hill.
Duhet theksuar se kur u zgjodh Kongresisti Demokrat Josh Gottheimer, ai mundi Kongresistin Scott Garrett, një Republikan që përfaqësoi Qarkun 5-të, në New Jersey me shtatë mandate.
Humbja erdhi sipas analistëve të këtyre votimeve pas zgjedhjeve afatmesme të vitit 2010, rrethi i 5të, i cili u ri-kompozua për të përfshirë sektorë më të prirur ndaj Demokratëve të Qarkut Bergen.
Një qark ky që përfshin tre pjesë të qarqeve Warren, Sussex dhe Passaic, kantone këto ku aktualisht jeton një numër i madh i komunitetit shqiptar.