Don Pjetër Popaj mesazhi i Krishtlindjeve - “Udha e paqes është udha e dashurisë dhe udha mirësisë dhe gezimit tonë për çdo familje” - Bota Sot
Don Pjetër Popaj mesazhi i Krishtlindjeve - “Udha e paqes është udha e dashurisë dhe udha mirësisë dhe gezimit tonë për çdo familje”

Amerika

Don Pjetër Popaj mesazhi i Krishtlindjeve - “Udha e paqes është udha e dashurisë dhe udha mirësisë dhe gezimit tonë për çdo familje”

Beqir Sina - New York Nga Beqir Sina - New York Më 25 dhjetor 2018 Në ora: 13:10
Don Pjetër Popaj

NEW YORK CITY : Meshtari , Don Pjetër Popaj, në vigjilje të mbajtjes së meshës për Krishtlindje në Kishën Katolike “Zoja e Shkodrës” në Nju Jork, për gazetën Bota sot, ka përçuar mesazhin e paqes dhe dashurisë, te gjithë shqiptarët dhe mbarë njerëzimi duke thënë se ato janë shembulli më i mirë i përmbushjes së dashurisë ndaj Zotit dhe ndaj të afërmve tanë familjeve tona.

Duke përkujtuar se festa e Kërshëndellave na kthen në të kaluarën për të kujtuar veprën e madhe që Zoti bëri për njerëzimin, Don Pjetër Popaj tha se kjo festë i bën të gjithë besimtarët të ndihen më të përgjegjshëm dhe më të bashkuar sidomos në këtë natë të shenjtë dhe të madhe.

Derisa këtë vit Kisha Katolike “Zoja e Shkodrës”, kremtojë me një simposioum madhështor 550-vjetori i vdekjes së Gjergj Kastriotit – Skënderbeut, Don Pjetri, ka përkujtuar kryetrimin shqiptar duke thënë se ai mbetet prijësi më i madh i gjitha kohëve që ka pasur populli shqiptar.

Meshtari i kësaj kishe Dom Pjetër Popaj, i cili në cilësinë e mikëpritësit, e udhëhoqi atë veprimtari - shprehu vlerësimet për këtë figurë të rëndësishme për mbarë kombin tonë, duke thënë se “Po të mos ishte Skënderbeu, ndoshta zor se do të ekzistonim ne si shqiptarë dhe do të flisnim shqip”.

Ndërkohë, duke përcjell mesazhin e Krishtlindje Don Pjetri ka uruar që kjo festë të depërtojë në zemrën e secilit prej besimtarëve të krishterë dhe familjeve të tyre, këtu në mesin tonë, shqiptarve në Shqipëri, Kosovë, e trojet shqiptare.

“Krishtlindjet si për cdo vjet i presim me një gëzim të posaqëm - por gëzimi më i madh i Krishtlindjeve vjen nga kjo festë ngase ajo bjen më shumë paq - mirëkuptim, dashuri në zenrat e njërëzve në Amerikë. Kjo është festa e familjes, që duhet theksuar atë cka ka thënë Zoti ! duke na dhënë si një dhurat të cmuar që vjen në cdo familje këtu në mesin tonë, shqiptarve në Shqipëri, Kosovë, e trojet shqiptare.

Dhe, Zoti e ka caktuar që të jemi sa më të bashkuar të gëzuar dhe të lumtur këtë natë dhe përgjithmon!

Gëzimi më i madh i kësaj nate është bekimi që na vjen prej Zotit dhe ne si të krishter që besojmë se fjala e Zotit që është paqja dhe dashuria dhe që është e mishëruar në Krishtin e lumnue, dhashtë Zoti që këtë lumnimin dhe këtë bekim - këtë paqe e mirësi t’a gëzojmë së bashku me të gjitha familjet tona- Jo vetëm familjet shqiptare, por edhe familjet e mbarë botës.

“Prej aty ku buronë shkolla dheedukimi i parë, aty ku është dhe frymëzimi për praninë e të madhit Zot - që prej këtij mesazhi të Krishtlindjes të frymëzohen të gjitha familjet e të gjithë njerëzit që të jetojnë në paqe mirësi dhe në mirëkuptim me njëritjetrin”.

Meshtari , Don Pjetër Popaj, në vigjilje të mbajtjes së meshës për Krishtlindje në Kishën Katolike “Zoja e Shkodrës” në Nju Jork, në fund për gazetën Bota sot, në përcjelljjen e këtij mesazhi, tha se : “ Ky është mesazhi dhe urimi im që të gjithë të jenë të gëzuar dhe të bekuar! Jo vetëm në këtë festë por dhe gjatë Vitit të ri 2019 - Urime dhe Gëzuar për shumë vjet Krishtëlndjet!

Image
Image
Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
test
Tjera