Si bashkëpunim i Galerisë Kombëtare të Kosovës dhe Këshillit britanik, të premten më 25 janar do të hapet ekspozita “Burrneshat”, që synon të shfaqë guximin e grave artiste.
Në kuadër të ekspozitës, do të diskutohet edhe për sfidat akutale me të cilat përballen gratë kryesisht në fushën e artit.
“Ekspozita në këtë mënyrë do të tentojë që të shfaqë dhe të manifestojë agjilitetin e grave artiste, edhe në Kosovë, ku ato kanë përparuar prej gruas së parë të diplomuar artiste në vitet 1970, deri te prezenca e gjerë e tyre në botën e artit dhe kulturës”, thuhet në njoftimin e organizatorëve.
Kjo ekspozitë, e kuruar nga Arta Agani, do të sjellë para publikut vepra të artisteve britaneze dhe atyre nga Kosova.
“Përceptime: Burrneshat” do të jetë e qasshme për publikun nga data 25 janar dhe do të qëndrojë e hapur deri më 24 shkurt 2019.
Pos në Kosovë, ekspozita të ngjashme do të shfaqen edhe në Mal të Zi, Serbi, BiH dhe Maqedoni.