Si duket gjithnjë e më shumë kopshte zoologjike dhe cirqe po i ndryshojnë konceptet dhe sistemet e punës.
Cirku gjerman “Circus Roncalli” është cirku i parë në botë i cili i ka zëvendësuar kafshët me holograme realistike që shfaqen në një mënyrë të veçantë dhe spektakolare, raporton “Thescinewsreporter”.
Ky cirk ka ekzistuar për dekada të tëra, por administrata kohët e fundit vendosi t’i zëvendësojë kafshët me 11 projektorë, laserë dhe thjerrëza, të cilat vendosen strategjikisht në vende të ndryshme në sallë në mënyrë që t’i paraqesin hologramet e kafshëve në mënyrë realistike, shkruan Koha.
Pikërisht falë përpjekjeve të administratës së cirkut dhe teknologjisë së avancuar, shumë kafshë janë shpëtuar nga kafazi dhe jeta “në burg”, ndërsa njerëzit mund të vazhdojnë të argëtohen në shfaqjet në një mënyrë të re, më moderne dhe më humane.