Fotografi Roland Tasho i ka kushtuar një ekspozitë fotografike në qytetin e Korçës katedrales Notre-Dame të Parisit përpara tragjedisë së rënies së zjarrit në muajin prill.
Lajmin e bëri të ditur ministrja e Kulturës, Elva Margariti ku gjatë vizitës në këtë ekspozite fotografike u shpreh se “katedralja e famshme përpara tragjedisë. Përjetime, detaje, figura të njohura, portrete fiksuar rrugëve të Parisit, në ekspozitën fotografike “Notre Dame” nga Roland Tasho. Një vështrim fotografik i ‘La Cité International des Arts’.
Katedralja e Notre-Dame u përfshi nga rënia e zjarrit që shkaktoi dëme të konsiderueshme në çatinë dhe shkatërroi majën e strukturës. Godina gotike rrezikoi shkatërrimin më 15 prill kur u përfshi nga flakët, edhe pse kullat binjake të këmbanave dhe pjesë të tjera të saj, përfshirë thesaret artistike me vlerë, shpëtuan.
