Vizitoni virtualisht dhe luani me 50 mijë imazhet e fototekës “Marubi”

Art

Vizitoni virtualisht dhe luani me 50 mijë imazhet e fototekës “Marubi”

Më: 5 maj 2020 Në ora: 21:40
Marubi

Në një kohë kur masat e COVID-19 ndalojnë vizitat në muzetë e vendit, “Marumi” mund të vizitohen virtualisht në pamje tredimensionale. Qytetarët gjithashtu kanë mundësi që të shfletojnë dhe arkivin përmes internetit, ku bëjnë pjesë 50 mijë imazhe.

Luçiano Bedeni, drejtor i fototekës “Marubi”, shprehet se projekti është i Ministrisë së Kulturës për digjitalizimin e siteve të trashëgimisë kulturore, muzeve dhe galerive të vendit.

“Ka disa mënyra mund të aksesojnë, përmes faqes zyrtare të Ministrisë së Kulturës dhe gjithashtu përmes rrjeteve tona sociale, të muzeut “Marubi”, Facebook apo Instagram”, tha Bedeni lidhur me mënyrat e aksesit.

Një tjetër nisëm e muzeut “Marubi” është dhe argëtimi për fëmijët, të cilët nëpërmjet lojës mos u nxeh, njihen në pika të ndryshme me historinë e qytetit të Shkodrës.

“Kemi dy programe që kemi vendosur në dispozicion për fëmijët. Loja mos u nxeh është një prej tyre, që i dedikohet vlerave trashëgimore të qytetit. Gjithashtu është dhe një tjetër program, bardhezi me ngjyra, ku disa nga imazhet e Marubeve i kemi kthyer në imazhe lineare, ku fëmijët mund t’i shkarkojnë dhe t’i ngjyrosin në kohën e lirë”, tha drejtori i fototekës “Marubi”.

Shfaq komentet
comments powered by Disqus
Sot mund të lexoni Shfletoni kopertinat