Mashkull apo femër? CAS i paqartë për Semenya dhe ngre supet

Atletika

Mashkull apo femër? CAS i paqartë për Semenya dhe ngre supet

Më: 24 mars 2019 Në ora: 07:22
Caster Semenya

Këshilli i Arbitrazhit Sportiv (CAS) në Lozanë ka deklaruar sot se ka shtyrë për në fund të prillit vendimin në lidhje me të ardhmen e atletes afrikano-jugore, Caster Semenya. Sipas CAS është ende e paqartë të përcaktojë se kush ka të drejtë në konfliktin mes Federatës Ndërkombëtare të Atletikës (IAAF) dhe atletes kampione olimpike në 800 metra.

Kjo paqartësi ka lidhje me rregullat e reja që IAAF kërkon te vendosë për atletet femra, të cilat kanë nivel të lartë testosterone, që u prodhohet vetë nga trupi, por që i favorizon në garë. IAAF kërkon që këto atlete, mes të cilave edhe Semenya, të limitojnë nivelin e testosteronit përmes mjekimit dhe më pas ato të lejohen të garojnë. Gjithsesi, atletet e kundërshtojnë këtë rregull.

IAAF pat deklaruar se në rast se Semenya nuk pranon rregullin e ri, atëherë atletja duhet të garojë me meshkujt. Kjo gjë është kundërshtuar nga Semenya, që më pas ka çuar çështjen në CAS. Kjo përplasje në CAS e zhvilluar në fillim të marsit zgjati 5 ditë. Këshilli i Arbitrazhit Sportiv, fillimisht deklaroi se do të marrë një vendim më 26 mars, por vendosi ta shtyjë atë për në fund të prillit.

commentFirst article
Sot mund të lexoni Shfletoni kopertinat