Gjithçka është e gatshme për gjysmëmaratonën ndërkombëtare “Prishtina 2019” në atletikë, e 19-ta me radhë apo prej garave më të mëdha që organizohet në shtetin e Kosovës. Në pyetjen drejtuar Halil Sylejmanit, kryetar i Federatës Atletike të Kosovës, se ka informata se do të marrin pjesë edhe atletë nga Serbia në gjysmëmaratonën e Prishtinës?
Ai ka thënë se ftesë speciale nuk i kanë bërë Federatës Atletike të Serbisë, por kanë bërë thirrje globale për të marr pjesë në garën e madhe në Prishtinë përkatësisht gjysmëmaratonën Prishtina 2019. Sipas tij, kush do që merr pjesë është i mirëseardhur dhe aq me tepër edhe serbët nga Serbia, sepse është një tregues se ata e njohin shtetin e Kosovës. Gjysmëmaratona ka moton për paqe dhe tolerancë.