Plot 14 vite (me 6 maj) kanë kaluar kur presidenti i Federatës Atletike të Kosovës, Halil Sylejmani, u prit nga Presidenti historik i Kosovës, dr. Ibrahim Rugova. Kjo pritje e kishte një domethënie të veçantë, sepse arkitekti i Pavarësisë së Kosovës, dr. Rugova, iu dha përkrahje të fuqishme për Gjysmë Maratonën e pestë ndërkombëtare “Prishtina 2005” në atletikë.
Shkrimi në gazetën 'Bota sot' me 7 maj të vitit 2005
Sylejmani kur kujton ditën e takimit me Rugovën, emocionohet shumë, sidomos për fjalët që ua tha shumë të fuqishme për sportin dhe atletikën.
Halil Sylejmani
“Kjo garë do të jetë nën patronatin e Presidencës së Kosovës, kështu që do t'ju ndihmojmë me atë çka kemi mundësi si Presidencë”, kështu i tha dr. Rugova gjatë takimit.