Përmbyset vendimi i CAS, Semenya fiton betejën ligjore me IAAF-in - Bota Sot
Përmbyset vendimi i CAS, Semenya fiton betejën ligjore me IAAF-in

Atletika

Përmbyset vendimi i CAS, Semenya fiton betejën ligjore me IAAF-in

Më: 3 qershor 2019 Në ora: 20:09
Caster Semenya

Caster Semenya ka fituar sot betejën ligjore me Federatën Ndërkombëtare të Atletikës (IAAF) dhe mund të garojë normalisht në garën e 800 metrave. Të paktën për momentin. Gjykata Federale Supreme e Zvicrës ka përmbysur sot vendimin e CAS-it, duke i dhënë të drejtë atletes 28-vjeçare.

Atletja nga Afrika e Jugut, dy herë kampione olimpike në këtë distancë, nuk është e detyruar të marrë mjekime për të ulur nivelin e testosteronit. Një muaj më parë, CAS (Gjykata e Arbitrazhit Sportiv) në Lozanë i pat dhënë të drejtë IAAF-it në lidhje me përdorimin e medikamenteve, por sot gjërat kanë marrë një tjetër rrjedhë.

Gjykata Federale Supreme e Zvicrës ka marrë vendimin për të pezulluar përkohësisht rregullin e vendosur nga IAAF. Federata Ndërkombëtare e Atletikës kërkonte përdorimin e medikamenteve nga ana e sportisteve femra të garave 800 dhe 1500 metra, të cilat kishin nivel të lartë testosteroni (ua prodhonte vetë trupi). Sipas IAAF-it, kjo i favorizonte këto atlete në garë.

Pas vendimit, Semenya tha: “Shpresoj që tani e tutje të kem mundësi të garoj e lirë. I jam mirënjohëse gjykatësve zvicerane për këtë vendim. Unë po luftoj për të mbrojtur të drejtat njerëzore”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...