Rreth 436 fëmijë të klasave të 5-ta të shkollave fillore të komunës së Prishtinës kanë marrë pjesë në aktivitetin sportiv, “Atletika për fëmijë” që Federata Atletike e Kosovës në bashkëpunim me Komunën e Prishtinës ka organizuar.
Kryetari i Federatës së Atletikës së Kosovës, Halil Sylejmani tha se ky aktivitet po organizohen për herë të parë në Kosovë dhe se qëllimi i saj është që të shoqërizohen fëmijët që nga mosha e re.
Sylejmani: Nga këta presim që të bëhen kampion ballkanik, evropian dhe botëror
“Për herë të parë zhvillojmë një garë e cila është atletika për fëmijë. Qëllimi i kësaj gare është që të shoqërizohemi që nga fëmijëria, që nga mosha e re dhe nga këta presim që të bëhen kampion ballkanik, evropian dhe botëror”, tha ai.
Në mesin e shumë fëmijëve që kishin ardhur për të marrë pjesë në këtë garë ishte dhe nxënësja e shkollës “Elena Gjika”, Anita Osmani, e cila u shpreh shumë e kënaqur me këtë, pasi sipas saj, është në përmirësim të trupit të tyre.
Osmani: Jemi duke e përmirësuar trupin tonë
“Neve po na konvenon shumë, pasi jemi duke e përmirësuar trupin tonë”, tha ajo
Në fund për gjithë triumfuesit pritët të ndahen certifikata mirënjohëse.