Një dokument tronditës i Federatës Ndërkombëtare të Atletikës (IAAF) ku thuhet se atletja afrikano-jugore Kaster Semenia është biologjikisht burrë, po bën xhiron e internetit.
Kjo deklaratë erdhi pas akuzave të 2 herë kampiones olimpike në garën e 800 metrave, ku ajo akuzonte federatën se e ka përdorur si “kavie laboratori”.
“Më kanë përdorur si kavie, por nuk do të lejoj më që të përdorin trupin tim. U jam nënshtruar testeve të seksit dhe kurave hormonale”, deklaroi atletja.
IAAF fitoi betejën me atleten në KAS, teksa kërkoi që afrikano-jugorja t’i nënshtrohej kurave mjekësore për të ulur nivelin e testosteronit në trup, për të garuar si e barabartë me atletet e tjera.
Ndërkohë se fundmi është bërë publik vendimi i Gjykatës Federale Supreme në Lozanë, që i dha të drejtë atletes, duke pezulluar vendimin e Federatës, për kurat mjekësore.
