Sporti i atletikës në Rusi është tronditur ditën e sotme, pasi kampionia e vendit Margarita Plavunova është gjetur e pajetë në anë të rrugës, në zonën e Tamblov Oblast.
Atletja 25-vjeçare kishte dalë për të vrapuar, ndërsa dyshimet e para janë që ka pësuar atak kardiak dhe ka humbur jetën, për t’u gjetur më pas nga disa kalimtarë të rastit.
Plavunova ishte mjaft e njohur në Rusi, pasi përveçse një atlete e zonja dhe kampione kombëtare, punonte edhe si modele, ku ishte bërë imazh i disa kompanive të modës.