Aktiviteteve kombëtare, që rinisin pas bllokimit për shkak të pandemisë së Covid-19, iu bashkua sot edhe atletika.
Më konkretisht, Kupa e Shqipërisë mësoi fituesit e saj të rinj. Garat u zhvilluan në pistën e stadiumit “Elbasan Arena”. Federata e Atletikës kishte marrë masat e nevojshme që në hyrje të stadiumit, duke matur temperaturën dhe respektuar distancën. Sa iu përket rezultateve, ato ishin si më poshtë:
Vllaznia triumfoi për meshkuj, teksa la pas me diferencë pikësh Skënderbeun dhe Teutën.
Te femrat, vendin e parë e meritoi Tirana e atletes rekordmene shqiptare Luiza Gega, e cila këto aktivitete po i shfrytëzon në maksimum si përgatitje për lojërat olimpike, që u spostuan për vitin e ardhshëm.
Muhamet Cengeli dhe Luiza Gega u shpallën sportistët më të mirë të aktivitetit.