Në vitin 1991 shqiptarët i thanë jo garave me klubet e Serbisë. Në çdo disiplinë sportive nisin garat e pavarura të Republikës së Kosovës dhe jo vetëm në sport, por në çdo sferë tjetër. Serbia okupoi Kosovën, përzuri shqiptarët nga puna, nga objektet e stadiumet sportive dhe mbylli shkollat! Shqiptarët filluan rezistencën përballë Serbisë shoveniste.
Njeriu që dha shumë për sportin e veçmas për atletikën e Kosovës, Halil Sylejmani , kryetar i Federatës Atletike të Kosovës, tregon se si ishte propozuar fillimisht emërtimi i Komitetit olimpik në vitet e 90-ta. “Sa patriotë ka shqiptaria si zë as Australia! Kur është themeluar KOK-u, ishte propozimi: Komiteti Shqiptar Olimpik i Kosovës, pa menduar se në Kosovë jetojnë edhe popuj tjerë, lere këtë, por për patriotizëm. Me propozimin tim ishte që të jetë: KOK dhe mbeti ashtu, edhe pse në të janë futur edhe sportet jo olimpike dhe shumë organizata josportive. Duhet punë, e tani vjen patriotizmi”, thotë Sylejmani.