FIAT shuan modelin Fullback pick-up

Auto

FIAT shuan modelin Fullback pick-up

Më: 1 maj 2019 Në ora: 18:51
Fullback pick-up

Shefi i departamentit të Fiat Professional, Richard Chamberlain, në një deklaratë për Auto Express, konfirmoi lajmin për heqjen dorë nga modeli pick-up Fullback.

Ai tha në një panair automjetesh në Birmingem se modeli i bazuar në Mitsubishi L200 kishte shitje të dobët, por për marrjen e këtij vendimi ndikuan edhe standardet e reja më të rrepta për emetimet e dizelit Euro 6.

“Kombinimi i këtyre dy faktorëve ndikoi që kompania të mos e prodhojë më  modelin Fullback”, tha Chamberlain.

Shuarja e këtij modeli vjen vetëm 3.5 vjet pas premierës. FIAT Fullback debutoi në vjeshtën e vitit 2015 në Dubai si një konkurrent i modeleve duke përfshirë Toyota Hilux, Nissan Navara dhe VW Amarok.

FIAT Fullback ishte në dispozicion në tri versione - "kabina e vetme", "kabina e zgjeruar" dhe "kabina e dyfishtë", dhe për klientët u ofruan edhe versione speciale me përmirësimet e trupit.

Kompania italiane në Evropë ofron njësi motorike me katër cilindra  2.4 litra turbo-dizel me 150 dhe 180 kuaj fuqi.

commentFirst article
Sot mund të lexoni Shfletoni kopertinat