Ford ka ofruar një pamje të veturës së ardhshme elektrike, e cila pritet të debutojë në vitin 2020.
Vetura mësohet të jetë e tipit ‘SUV’, së cilës nuk i është vënë ndonjë emër zyrtar ende, por që supozohet se do të emërohet ‘Mustang Mach-E’.
Duke marrë për bazë popullaritetin që iu është dhënë kohëve të fundit veturave të tipit ‘Coupe’, modeli Mach-E ka potencialin të ketë shitje masive.
Megjithëse ende nuk është bërë asgjë e ditur as në lidhje me specifikat e veturës në fjalë, Ford është siguruar që të konfirmojë datën e daljes në shitje.
Vetura do plasohet në treg në fund të 2020-ës, e cila pritet të jetë një konkurrent serioz i veturës ‘Model Y’ nga radhët e kompanisë së automobilave ‘Tesla’.
