Kompania e njohur gjermane që merret me modifikimin e veturave, ABT Sportsline, tani ofron paketën e re edhe për modifikimin e SUV-it të Lamborghinit, Urus.
Paketa e ABT-së për Urusin përfshinë përforcimin e motorit të tij, 4.0-litër Twin-Turbo V8 me kapacitet prej 650 kuajfuqi, në 710 kuajfuqi.
Gjithashtu, ABT Sportsline thotë se me përforcimin e motorit, Urusi shpejtësinë nga 0 deri në 100 kilometra në orë tani mund ta arrijë për 0.2 sekonda më shpejtë ndërsa deri në 200 km/h nuk ka zbuluar. Modeli aktual deri në 200 km/h mund ta arrijë për 12.8 sekonda.
ABT Sportsline, po ashtu, nuk ka zbuluar as shpejtësinë maksimale por kujtojmë se Urusi aktual shpejtësinë maksimale mund ta arrijë deri në 305 km/h.