ID4 i prodhuar nga Volkswagen u bë SUV-ja e parë që kryeson listat evropiane të shitjeve të veturave elektrike me bateri, sipas shifrave nga JATO Dynamics.
ID4 kryesoi renditjen në prill me 7.335 shitje, përpara VW ID3 në vendin e dytë me 5.735 shitje, sipas të dhënave të JATO. Renault Zoe ishte në vendin e tretë me shitje prej 4.015.
Shitjet e mëdha të ID4 e shtynë VW-në të kërkonte 34 për qind të tregut të plotë të veturave tërësisht elektrike në Evropë në prill, më mirë sesa pozicioni i saj i përgjithshëm në të gjithë tregun evropian, ku pjesa e tregut të VW-së ishte pak më pak se 27 për qind.
Suksesi i ID4 nxjerr në pah fillimin e fazës tjetër të trendit të elektrifikimit, ka thënë analisti i lartë i JATO, Felipe Munoz.
VW synon të dorëzojë 100.000 shitje të ID4 këtë vit, me dy të tretat e veturave të destinuara për në Evropë dhe pjesa tjetër do të shkojnë në SHBA dhe Kinë. Shitjet e veturave elektrike po ndihmojnë VW-në të kompensojë rënien e shitjeve të modeleve tradicionale të djegies.
Shitjet evropiane të veturave u rritën me 256 për qind në prill krahasuar me vitin e kaluar, me Land Rover, Jeep, Fiat dhe Peugeot midis markave me rritje më të mëdha.
