Në internet kanë rrjedhë fotografitë e konceptit të BMW Serie 8 Coupe në prag të premierës së këtij automobili të paraparë për 26 maj.
Modeli me linja sportive do të prezantohet të premten, në manifestimin e Concorso d’Eleganza Villa d’Este, e cila në fund të majit mbahet tradicionalisht në Itali, në liqenin Komo. Automobili karakterizohet nga linja sportive agresive, ndërsa në ballinë dominon maska e madhe dhe dritat e ngushta.
Ky koncept i prodhimit BMW Serie 8 Coupe, pritet të dalë në sallonet e shitjes vitin e ardhshëm.
Spekulohet se në mesin e motorëve që do të ketë ky version do të jetë ai me 6.6 litra V12 me rreth 610 kuaj fuqi.