Të dhënat për shitjen e veturave të reja në Evropë tregojnë se blerësit sot kanë interesim më të vogël për blerjen e automjeteve me dizel se sa para një viti.
Rezultatet e shitjes në prill 2017 tregojnë se ka rënie të shitjes së automjeteve me dizel 15% në krahasim me të njëjtin muaj të vitit të kaluar, njofton JATO Dynamics.
Në prill 2016 çdo i dyti automobil i ri i regjistruar ka motor dizel (50%), ndërsa një vit më vonë përqindja e automjeteve me dizel në treg ka rënë në 46%.
Njëra ndër arsyet e rënies së interesimit për vetura me dizel janë paralajmërimet e qeverive evropiane për vendosjen e kufizimit për automjetet me dizel në disa metropole evropiane.
