Emri i ri nga klasa e makinave premium vjen nga Azia Juglindore. Në listën e vendeve në të cilat prodhohen makina luksoze, një tjetër do të gjendet së shpejti - Vietnami.
Në këtë vend, në vitin 2017 u themelua kompania VinFast, i cili shfaqi dy modelet e para në ekspozitën e automobilave në Paris.
Në pyetje janë modelet LUX A2.0 dhe SUV LUX SA2.0 sedan i dizajnuar nga studio italiane Pininfarina.
Prodhuesi vietnamez tha se të dyja modelet mundësohen nga motorë 2.0-litra, dhe Autocar ka mësuar se bëhet fjalë për katër cilindra turbo me benzinë nga BMW.
Pretendohet se kjo është një njësi me 177 kuaj fuqi dhe 230 kuaj fuqi, i shoqëruar me ndërrues automatik prej tetë shpejtësive dhe fuqia transmetohet me rrotat e pasme.
Sipas mediave, lidhjet me prodhuesin bavarez nuk zbatohen vetëm për motorët. LUX A2.0 dhe LUX SA2.0 përdorin platformën mekanike BMW të gjeneratës së vjetër, transmeton KosovaPress.
Shitja e njësive të para të këtyre modeleve në Vietnam duhet të fillojë në shtator 2019, dy vjet pasi VinFast filloi ndërtimin e një fabrike moderne në qytetin Hai Fong.
Kompania vietnameze është shumë ambicioze, andaj në fillim ka në plan të prodhojë prodhim vjetor prej 100.000 deri në 200.000 automjete.
