Sundimtarët islamikë të Rripit të Gazës Hamas kanë mbështetur një propozim egjiptian për të nxitur qetësinë në kufirin e Izraelit përpara protestave të pritura të mëdha, thanë të premten zyrtarë të Hamasit, shkruan AFP.
Nuk kishte asnjë koment të menjëhershëm nga pala izraelite mbi marrëveshjen e mundshme.
Dhjetëra mijëra palestinezë pritet të mblidhen të shtunën për përvjetorin e parë të protestave shpesh të dhunshme përgjatë kufirit, të cilat Hamasi ka mbështetur fort.
Egjipti, Kombet e Bashkuara dhe të tjerët po përpiqen të ndërmjetësojnë një marrëveshje për të kufizuar nivelin e dhunës.
Një delegacion egjiptian zhvilloi bisedime me Hamasin dhe fraksione të tjera në Gaza, në takimet që u shtrinë në orët e hershme të premten, thanë zyrtarët.