OKB: Në luftimet në Tripoli janë vrarë 121 persona

Azia

OKB: Në luftimet në Tripoli janë vrarë 121 persona

Më: 14 prill 2019 Në ora: 12:39
Ilustrim

Agjencia për shëndetësi e Kombeve të Bashkuara, thotë se nga luftimet që po vazhdojnë ndërmjet milicive rivale për kontrollin e kryeqytetit libian, Tripoli, janë vrarë të paktën 121 persona.

Organizata Botërore për Shëndetësi (OBSH) tha sot se 561 persona janë plagosur që prej kur e vetëquajtura Ushtria Kombëtare e Libisë nisi një ofensivë ushtarake më 5 prill.

OBSH-ja në Libi përmes një postimi në Twitter tha se organizata ka dërguar furnizime me barna dhe më shumë staf në Tripoli, teksa denoncoi “sulmet e vazhdueshme ndaj punëtorëve shëndetësorë dhe makinave të tyre”, që prej se nisën luftimet.

Libia është e ndarë ndërmjet qeverive rivale në lindje dhe perëndim të vendit dhe këto qeveri, mbështeten nga milici të ndryshme.

komandanti Khalifa Haftar udhëheq të ashtuquajturën Ushtria Kombëtare e Libisë dhe forcat e tij, po luftojnë kundër trupave të Qeverisë në Tripoli, që mbështetet nga OKB-ja, transmeton REL.

Haftar ka refuzuar thirrjet ndërkombëtare që të ndërpresë luftimet, që kanë lënë të vdekur dhjetëra persona.

Më herët gjatë kësaj jave, OKB-ja tha se mbi 8 mijë persona janë larguar nga shtëpitë e tyre si pasojë e luftimeve.

Rusia mbështetë Haftarin, së bashku me Egjiptin dhe Emiratet e Bashkuara Arabe.

Libia, një vend i pasur me naftë, që prej vitit 2011, kur udhëheqësi i atëhershëm Muammar Gaddafi u rrëzua nga pushteti, është duke u përballur me dhunë dhe paqëndrueshmëri politike.

commentFirst article
Sot mund të lexoni Shfletoni kopertinat