Një shpërthim vetëvrasës tronditi sot kryeqytetin e Afganistanit, Kabul, pasuar nga një përleshje e armatosur mes forcave të sigurisë dhe një grupi kryengritësish.
Shtatë vetë mbetën të vrarë vetëm një ditë pas bisedimeve mes autoritetet afgane dhe përfaqësuesve talebanë që dështuan pa arritur paqen e shumë-pritur. Incidentet e dhunshme lanë të paktën tetë të plagosur.
Sipas shefit të policisë, autori i sulmit hodhi veten në erë pranë ministrisë së komunikacionit duke hapur rrugën për katër persona të armatosur që u futën në kompleksin qeveritar të fortifikuar rëndë në qendër të Kabulit.
Ashkush nuk ka marrë përgjegjësinë për sulmet. Talebanët thanë se nuk ishin të përfshirë në këto sulme.
Incidentet e sotme regjistrohen një ditë pas mbylljes pa rezultat të bisedimeve mes talebanëve dhe zyrtarëve afganë dhe pason njoftimin e talebanëve se po fillojnë ofensivën e pranverës.
