Anijet transportuese të naftës saudite dëmtohen nga një "sulm sabotues" - Bota Sot
Anijet transportuese të naftës saudite dëmtohen nga një "sulm sabotues"

Azia

Anijet transportuese të naftës saudite dëmtohen nga një "sulm sabotues"

Më: 13 maj 2019 Në ora: 09:32
Anijet transportuese të naftës saudite

Arabia Saudite ka thënë se dy nga transportueset e saj të naftës janë shënjestruar si pasojë e një “sulmi sabotues” në brigjet e Emirateve të Bashkuara Arabe.

Ministri për Energji i Arabisë Saudite, Khalid al-Falih, ka thënë më 13 maj se një nga anijet transportuese ka pësuar pak para se të ngarkohej me naftë të papërpunuar saudite, për t'u dërguar më pas te konsumatorët amerikanë.

Ky sulm nuk ka rezultuar me ndonjë viktimë apo rrjedhje të naftës, mirëpo ka shkaktuar dëme të mëdha në strukturat e dy anijeve, ka thënë ai.

Më herët, ministria e Jashtme e Emirateve të Bashkuara Arabe, ka thënë se katër anije komerciale janë shënjestruar nga “operacionet sabotuese”, afër ujërave të tyre territorialë, pa shkaktuar dëme në njerëz.

Pas raportimit për këto sulme, Shtetet e Bashkuara kanë bërë një paralajmërim të ri për këto akte, që kanë shënjestuar anijet në gjirin bregdetar të Emirateve të Bashkuara.

Ky paralajmërin vjen në kohën e rritjes së tensioneve në mes të Shteteve të Bashkuara dhe Iranit.

Javën e kaluar, Uashingtoni ka njoftuar për pozicionimin e disa pajisjeve ushtarake në këtë rajon, në mënyrë që të luftohen ato që zyrtarët amerikanë i kanë cilësuar si “shenja të qarta” të kërcënimit nga Irani kundër interesave të SHBA-së dhe aleatëve të saj në këtë rajon.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...