Mund të konsiderohet pa frikë një ditë e zezë ajo e një 45-vjeçari, i cili u aksidentua me Lamborghini-n e tij me vlerë 850 mijë paund, pasi humbi kontrollin e mjetit për shkak të motit të keq.
Por ky nuk ishte i vetmi moment i keq i ditës, pasi Somkiet Kruwongpaiboon ishte nisur për në varrimin e babait të tij, kur u përplas me një shtyllë në rrugë, në provincën e Chonburi të Tajlandës.
Fatmirësisht, si Somkiet ashtu edhe djali i tij, i cili ndodhej në sediljen e përparme të pasagjerit nuk pësuan dëmtime në aksident.
Megjithatë 45-vjeçari mbeti me një faturë të majme për të rregulluar makinën e tij Lamborghini Aventador.
Sipas asaj që shkruan e përditshmja The Sun, ky supermodel nis me një çmim prej 270 mijë paund në Britani, çmim i cili në Tajlandë është edhe më i lartë, duke kapur vlerën e 850 mijë paundëve.