Ish-presidenti i Pakistanit arrestohet nën akuzat për korrupsion - Bota Sot
Ish-presidenti i Pakistanit arrestohet nën akuzat për korrupsion

Azia

Ish-presidenti i Pakistanit arrestohet nën akuzat për korrupsion

Më: 10 qershor 2019 Në ora: 17:39
Asif Ali Zardari

Autoritetet në Pakistan arrestuan ish-presidentin e këtij vendi, Asif Ali Zardari, nën akuzat për korrupsion.

Zardari u arrestua në rezidencën e tij në Islamabad, pasi gjykata e hodhi poshtë kërkesën e tij për zgjatje të dënimit me kusht në një rast të pastrimit të parave.

Gjykata e Lartë në Islamabad e refuzoi kërkesën e ngjashme edhe nga motra e Zardarit, Faryal Talpur.

Sipas raporteve, deri më tani nuk është lëshuar ndonjë urdhërarrest për Talpurin.

Zardari dhe Talpur akuzohen për transferimin e një milion dollarëve në kompaninë e tyre private, përmes llogarive të rreme bankare.

Zardari dhe Talpur i mohojnë akuzat kundër tyre.

Autoritetet në Pakistan kanë arrestuar disa politikanë nën akuzat për korrupsion prejse kryeministri Imran Khan ka marrë detyrën, vitin e kaluar.

Gjykata Supreme e ka larguar paraardhësin e tij, Nawaz Sharif, nga detyra, nën akuzat për korrupsion.

Zardari është zgjedhur president në vitin 2008, pasi ka udhëhequr përpjekjet për të larguar sundimtarin ushtarak, Pervez Musharraf, dhe ka shërbyer deri në vitin 2013.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...