Një elefant i egër mbyti një fermer në një park kombëtar në Tajlandë, tha policia të enjten, shkruan AFP.
Tre elefantë që kërkonin për ushqim erdhën deri në parkun kombëtar ku 26-vjeçari dhe gruaja e tij ishin duke fjetur në një tendë, tha kapiteni i policisë Chalit Sudachan.
Gruaja u fsheh nën një kamion aty pranë, por fermeri u sulmua derisa përpiqej të ikte.
"Ai ishte sulmuar nga elefanti... duke e vrarë menjëherë," tha Chalit për AFP nga provinca veriore Buriram.
Elefantët janë kafshë kombëtare të Tajlandës dhe jetojnë në vende të egra në pjesë të vendit, por numri i tyre është zvogëluar në rreth 2.700 nga mbi 100.000.