Pas tridhjetë vjetësh, Japonia rinis gjahun e balenave - Bota Sot
Pas tridhjetë vjetësh, Japonia rinis gjahun e balenave

Azia

Pas tridhjetë vjetësh, Japonia rinis gjahun e balenave

Më: 1 korrik 2019 Në ora: 10:24
Ilustrim

Peshkatarët japonezë e kanë nisur gjahun ndaj balenave për qëllime komerciale për herë të parë pas më shumë se tri dekadash. Veprimi i tyre erdhi pas vendimit kundërthënës të Tokios për t’u tërhequr nga Komisioni Ndërkombëtar për Balena.

Pesë anije u nisën nga porti i Kushiros në veri të Japonisë të hënën në mëngjes për të gjuajtur balena. Pothuajse në të njëjtën kohë, tri anije tjera u nisën për të zënë balena në pjesën jugperëndimore të Japonisë.

Tërë këto anije së bashku pritet t’i vrasin 227 balena deri në pjesën e fundit të dhjetorit të këtij viti. Këto të dhëna i dha Agjencia e Peshkimit, e cila më parë kishte refuzuar ta tregonte numrin e balenave që do të mbyten deri në mbajtjen e Samitit të G20-ës në Osaka të Japonisë.

Këto veprime pritet të nxisin kritika nga mbrojtësit e mjedisit dhe shtetet që janë kundër gjahut të balenave. Pavarësisht kësaj, zyrtarët japonezë që janë përgjegjës për këtë çështje u dukën sikur po festonin kur e dhanë lajmin për rifillimin e gjahut ndaj balenave.

Japonia ishte cak i kritikave ndërkombëtare për shfrytëzim të një neni në moratoriumin e vitit 1986 për gjah komercial të balenave për të kryer gjoja hulumtime përmes zënies së këtyre gjallesave, shkruan “The Guardian".

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...