Protestat e dhunshme në Hong Kong janë të papranueshme - Bota Sot
Protestat e dhunshme në Hong Kong janë të papranueshme

Azia

Protestat e dhunshme në Hong Kong janë të papranueshme

Më: 2 korrik 2019 Në ora: 11:15
Foto

Qeveria kineze i ka dënuar ashpër protestat e dhunshme që u mbajtën të hënën në Hong Kong, me ç’rast protestuesit arritën të hyjnë brenda ndërtesës së kuvendit. Pekini zyrtar tha se këto protesta janë tërësisht të papranueshme.

Në deklaratën e publikuar në mediet shtetërore, zyra ndërlidhëse e qeverisë kineze në Hong Kong tha se është e shokuar dhe e zemëruar dhe e dënon ashpër hyrjen me dhunë të protestuesve në ndërtesën e kuvendit. Ky incident ndodhi pas protestës kundër një projektligji kundërthënës pasditen e së hënës.

“Disa elemente ekstreme përdorën dhunë të tepruar për të hyrë në ndërtesën e kuvendit dhe kryen një varg sulmesh të nivelit të lartë. Kjo është shokuese, diçka që na thyen zemrën dhe që na zemëron. Veprimet e tyre të dhunshme janë një sfidë e rëndë për sundimin e ligjit në Hong Kong”, thuhet në këtë deklaratë.

Në deklaratë gjithashtu theksohet se zyra ndërlidhëse e Kinës i mbështet autoritetet e Hong Kongut për hetimin e veprimeve të dhunshme, në mënyrë që në këtë rajon të sigurohet rendi dhe sundimi i ligjit.

Në këtë dokument thuhet se përvjetori i kalimit të Hong Kongut nga kontrolli britanik në kontrollin kinez do të duhej të ishte ditë feste, por disa radikalë ekstremë po e përdorin projektligjin për ekstradim si pretekst për të përdorur dhunë në ndërtesën e kuvendit, shkruan “The Guardian”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...