Gjendet pas 18-vjetësh që ishte rrëmbyer - Bota Sot
Gjendet pas 18-vjetësh që ishte rrëmbyer

Azia

Gjendet pas 18-vjetësh që ishte rrëmbyer

Më: 20 korrik 2019 Në ora: 20:54
Yu Weifang, sot 21 vjeç, i takoi prindërit e tij këtë muaj, gjithçka falë inteligjencës artificiale

Një i ri i cili u rrëmbye kur ishte i vogël u ribashkua me familjen e tij pas 18 vjetësh, pasi policia arriti ta gjente falë përdorimit të teknologjisë së plakjes së fytyrës.

Yu Weifang, sot 21 vjeç, i takoi prindërit e tij këtë muaj, gjithçka falë inteligjencës artificiale, një aplikacioni të ngjashëm më FaceApp të krijuar nga gjiganti teknologjik kinez, Tencent.

Policia e përdori teknologjinë për të parashikuar se si do të dukej tani 21-vjeçari dhe pamjen e tij e krahasoi me një bazë të dhënash me mijëra persona.

Image

Pasi përzgjodhën rreth 100 kandidatë potencialë, oficerët arritën të shkonin tek studenti 21-vjeçar.

"Kur e gjetëm, refuzoi të besonte se ishte fëmijë i rrëmbyer, por ADN-ja përputhej me atë të prindërve të tij biologjikë", tha një prej hetuesve.

Weifang u zhduk në vitin 2001, pranë një kantieri ndërtimi ku punonte i ati i tij. Pavarësisht kërkimeve dhe një shpërblimi të ofruar në atë kohë, prindërit e tij nuk arritën ta gjenin. Policia vijon të hetojë rastin në fjalë, megjithatë ende nuk kanë arritur të gjejnë personat që e rrëmbyen 21-vjeçarin.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...