Kina mohon diskriminimin e ujgurëve: Forcat armike po duan ta ndajnë shtetin - Bota Sot
Kina mohon diskriminimin e ujgurëve: Forcat armike po duan ta ndajnë shtetin

Azia

Kina mohon diskriminimin e ujgurëve: Forcat armike po duan ta ndajnë shtetin

Më: 22 korrik 2019 Në ora: 09:39
Ilustrim

Qeveria kineze ka deklaruar se rajoni veriperëndimor i Xinjiang-ut është pjesë e pandashme e Kinës, pavarësisht përpjekjeve të ekstremistëve për t’i deformuar historinë dhe faktet me qëllim të ndarjes së shtetit.

Në letrën e publikuar nga Zyra e Këshillit Shtetëror për Informim thuhet se është gabim të pretendohet se anëtarët e komunitetit mysliman të ujgurëve të Xinjiang-ut janë pasardhës të turqve të lashtë, duke shtuar se ata janë bërë vegël politike e grupeve të ndryshme islamike.

“Forcat armike brenda dhe jashtë Kinës, veçanërisht separatistët, ekstremistët fetarë dhe terroristët, janë përpjekur ta përçajnë Kinën dhe ta ndajnë në disa pjesë përmes deformimit të historisë dhe fakteve”, thuhet më tej në këtë letër.

Pekini është akuzuar për përndjekjen dhe diskriminimin e ujgurëve. Dyshohet se rreth një milion pjesëtarë të këtij komuniteti po mbahen të mbyllur në kampe, të cilat nga autoritetet kineze përshkruhen si qendra trajnimi për luftimin e përhapjes së ekstremizmit islamik.

Sekretari amerikan i shtetit, Mike Pompeo, javën e kaluar tha se trajtimi i pakicës ujgure nga autoritetet kineze është “njolla e shekullit”, shkruan “The Guardian”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...